近日時代廣場為大家帶來日本京都嘅設計品牌「SOU・SOU」，並於商場二根開設全港首間品牌Pop Up Store，將部份只限日本國內販賣嘅產品首度帶出海外，絕對係搶購嘅難得機會。

「SOU・SOU」以「創造新式日本文化」為品牌概念，佢地將日本京都織紋印花結合嶄新嘅設計，以重複堆疊嘅方式，創造出融合傳統和風與現代時尚感嘅印花，其中「SO-SU-U十數」圖案可以話係佢地當中嘅代表作。

而今次Pop Up Store中，將發售超過250款限量商品，好似佢地嘅品牌成名作「地下足袋（分趾鞋）」、分趾襪等，而部份從不發送海外嘅日本國內限定家居商品亦罕有發售，好似咕臣袋、神奇梳化等。

今次活動品牌亦特別預備左一系列皮製數字及香港限定刺繡熨布貼，比客人即場購買指定貨品後熨貼，好似奶茶、蛋撻、電車、的士等圖案，亦有「貓奴」、「斜槓青年」等日常用詞，極具香港特色。

同場更設有品牌海外最大型作品及精品珍藏展覽，分別展出超過50幅原畫及印花圖案作品，以及20多件歷年推出過嘅聯乘精品。