中國網易近日熱烈討論日本成功對中國人生活最有影響力的發明，的確日本創意真係好強大，隨口講源自日本的發明都影響深遠超出四大，不過跟據大陸網內地認為日本人最有貢獻改變中國生活的發明係「電飯煲」、「即食麵」、「二維碼」同「食用味精」。當然呢四個只是中國人認為，而實際上日本仲有「Walkman」、「卡拉OK」、「電子遊戲機」發明完全改變你生活，當然更枉論日本AV的影響力，強行要數「四大」無意思，但原來大家生活都離唔開近代日本人的發明，以上邊度係你生活中無法剪除？定仲有其他日本發明你已融入生活中？

中國網易討論區國內人自認為近代中國四大發明係“高鐵、移動支付、共享單車、網購”，對此我當然笑而不語！搞得大就當自已發明係好難討論落去！不過中國人討論日本對中國人生活中最有貢獻的發明就可以一吹同大家介紹下？網易以中國人的角度考慮左源自日本發明對中國人生活有極大影響的東西。”精選並介紹左日本的四大發明。

文章首先提到“電飯煲”。電飯煲已經係每一個日本以及中國人家庭不可或缺嘅電器！相信無人家中不設電飯煲！ 電飯鍋肯定是源自日本本土的家電產品，文章同時提到，Sony、東芝、三菱電機等好多日本電器品牌都係由小家電同電飯煲開源發展家電產品！電飯煲肯定係東亞最重要嘅家庭電器！之前第二樣日本最有 影響力發明係「即食麵」，據知即食麵係由日清食品始創人台灣裔安藤百福先生發明，佢係大阪府池田市發明即食麵之後開始出售“雞湯拉麵”口味即食麵起家！，即使大家並非經常食即食麵但一定見過，肯定一世人食過各種即食麵！即食麵現時已經係中國人生活中不可缺少嘅食物，係旅行及出差必備之物！

文章認為第三樣對中國最大影響力的係味精，味精作為“鮮味成分”乃日本發明常用於煮中國菜作為鮮味調味料。原來中國家庭或餐館食物烹調當中，多多少少都會落味精！而中國人認為第四樣日本發明對中國人最大影響的係手機“二維碼”，如果你係用開現金同八達通的，可能都無咁認同，不過中國人無左“二維碼”其實已經好難生活！所以中國人認為“二維碼”係好重要的發明！但作為香港人其實「Walkman」同「卡拉OK」都係日本人改變大家伴你成長的最大恩物發明之一。Walkman隨身聽所帶來的各種後繼發明自然係生活中的重要物品。大家成長中卡拉OK文化對大家都應該係重要生活點滴，除左近幾年卡拉OK文化式微外，過去相信整個香港舊一代都係卡拉OK文化中成長！此外，電子遊戲機改變的應該係整個宇宙，相信值得專文再深入討論，不入中國人四大好可能係中國編輯唔敢將遊戲機列入中國人改變生活的重要發明當中，呢點我保持恥笑的權利！至於日本人發明有格仔的成人AV電影對世界尤其對中國同香港男士的影響已經完全融入大家生活當中，你可以唔承認但我無野可以補充！