LEGO從來充滿無限可能，只要勇於發揮想像，就可以拼砌出任何事情。近日香港LEGO玩家「Legotruman」就推出全新作品，以LEGO磚執還原Nike經典球鞋「Air Jordan 1」，並投稿到LEGO IDEAS平台，只要獲得超過10,000票支持，就有機會商品化量產投入市場。

據介紹，今次作品總共由286塊積木組成，尺寸為 8.6 x 20.6 x 13 cm，除咗經典配色「Chicago」之外仲有「Bred」、「Top 3」、「Court Purple」等款式，同時亦還原返Nike Air以及標誌性嘅翅膀LOGO，有興趣嘅朋友可以到LEGO IDEAS了解更多。

LEGO一向鼓勵各位發揮創意，自2008年創立LEGO IDEAS網站畀玩家們分享設計，並當作品支持數達到10,000票就會進入審核階段，最終就LEGO決定會否量產投入市場。順帶一提，「Legotruman」過往作品梵高《星夜》就曾經成功過審獲Lego商品化。