唔知從幾時開始，充滿創意嘅廠商將一般嘅護腕滑鼠墊，演變成形形色色嘅胸部、臀部滑鼠墊，除咗可以紓緩用家手腕不適，仲可以帶嚟視覺上嘅享受，之不過呢類產品都係女性角色居多，甚少有男角。最近講談社漫畫雜誌《週刊少年Magazine》就忽發奇想，出咗款《第一神拳》鷹村守胸肌滑鼠墊，唔知大家有冇興趣呢？

日前《週刊少年Magazine》舉辦抽獎活動，凡係有買第52號(期)嘅讀者都可以參加，分別有A賞30名及B賞200名，合共230個得獎名額，其中A賞就喺《第一神拳》主角之一嘅「鷹村守」大胸肌滑鼠墊。雖然作者森川讓次唔多睇好呢份獎品，認為雜誌編輯部係搞緊惡作劇，覺得呢啲咁孤高嘅禮物唔會有人想要，但Fans們反應就非常熱烈，紛紛喺留言表示想要！而我只係想問一個問題，究竟嗰塊胸肌應該係軟定係硬嘅呢？

おう、週マガ編集部、悪ふざけしすぎなんだよ。　
何が孤高のプレゼントだ。
さすがに欲しがる人いないだろ。
もー。 https://t.co/bRf44mKdWw

— 森川ジョージ (@WANPOWANWAN) November 24, 2021