{ SKIP }
文:MenClub 艾力克  
POSTED ON 26 Nov 2021

只有冨樫先可以超越冨樫!雖然《Hunter x Hunter》停更已經唔係咩新聞,但今日絕對係一個大日子,事關距離2018年11月26日發行嘅最「新」一話剛好三周年,冨樫義博再度刷新個人紀錄,相信佢喺呢方面嘅成績應該係後無來者。至於古勒比加幾時落船,應該駛咗入百慕達三角有排都未出得返嚟。

長期跟進《HxH》連載資訊嘅Twitter帳號「ハンターハンター連載再開告知bot」,喺噚晚就正式宣布冨樫已停更3周年,最諷刺嘅係無論你用電話抑或電腦,當你按入去呢個帳號主頁嗰陣會有慶祝生日嘅氣球特效。(因為個帳喺停更當日開設)

咁喺呢段期間動漫界發生咗啲咩事呢?同樣出自《週刊少年Jump》嘅《鬼滅之刃》、《約定的夢幻島》以及《咒術迴戰》相繼爆紅,前兩者更加已經完結埋。而早過《HxH》大半年開始連載嘅《ONE PIECE》就突破1000話,劇情亦步入最後階段。

而嗰位從上年1月16日就開始模仿會長尼特羅,每日揮1,000次正拳(人地係10,000)直到「HxH」復刊嘅日本Fans「樽江突撃」,截止目前已經揮咗680日,件衫都由完整無缺揮到穿咗幾個大窿,但可惜仲未練成「百式觀音」。

近日解放軍海軍首位女艦長韋慧曉帶領導中國新型彈驅逐艦紹興艦完成海上實戰化訓練,技驚四座,女艦長出類拔萃十年軍族火速上位,實力傲視同群引發網民激節讚歎,網友整理過女艦長神奇頂級超卓履歷後更是五體投地!韋 ...
hobby
【巾幗不讓鬚眉】解放軍首位女艦長韋慧曉強大崛起十年從軍傳奇震驚海外
26 May 2022
Join唔Join好?
hobby
【電玩】全新PlayStation Plus會員服務,大量Game下載!
26 May 2022