日本IKEA日前因應東京人口問題引伸的住屋問題，推出全新階段性解決方案，希望可以有效地幫到當地人。

日本IKEA今次推出嘅計劃，名叫「Tiny Homes」迷你租屋，單位面積只有10平方米左右，亦即係大概106呎左右，但係月租只係99日元，即係7蚊港紙都唔使！而由於單位尺寸較細，所以IKEA方面就利用各式各樣設備去滿足住客嘅各樣所需。

而單位內同時包含浴室及廚房，再加上各樣IKEA多功能設備，好似折疊桌、可調節層架嘅儲物系統、推車兼咖啡桌及 梳化床等。單位同時將天花加高，透過樓梯可以再上上一層的睡床。

其實單位一個人住絕對可以滿足得到，更何況係只需99日元，講真身處香港嘅你絕對係流晒口水，兼覺得日本人真係好幸福。不過留意今次活動只係去到2023年1月15日，有興趣嘅朋友不妨去住下啦，實在係太抵啦！