元宇宙成為最新狂熱投資話題，虛擬世界遊戲 The Sandbox吸引現實世界各大財團入內搶地，Nike、Adidas等已投入購入大量士地，連新鴻基都參與大手買地，如今唔止各行各業搶先購買，連成人網站都一齊加入。最近This AV、SWAG、工口.R18、AVGLE等多個成人影片網站齊齊組成「AV聯盟」係虛擬世界平台The SandBbox買入一幅3x3的土地，號稱會建造世上第一個元宇宙「AV樂園」。

當然除左係The SandBbox購地圈地盤外，AV聯盟開始係實際地網上發佈相關NFT，聯盟以AVYC之名義，係全球發行限量一萬個NFT，每個定價為0.1 ETH。據知持有NFT之買家可以得到幾個成人網站的進階會員權限，以及未來「AV樂園」的入場券。至於購買方法類似扭蛋NFT採用「盲盒」模式鑄造（minting），購入後會由電腦隨機從69位經典日本AV女優的30萬張封面照片中，隨機分配並經過馬賽克轉檔成你持有的藝術AVYC NFT。故當你抽中例如係三上悠亞NFT等受歡迎AVYC NFT，其價值可望一路爆升。他日可能你因此而一夕暴富！係The Sandbox買入一幅3X3的土地一點都唔平，例如近期3x3格地買入價為55個以太幣（約170萬港元）。所以非正常大眾買得起，又或咁講你有一二百萬會唔會考慮投資買入虛擬世界平台的一格士地？

The Sandbox  係 2021 年用戶顯著成長，擁有超過 50 萬個註冊錢包和 12,000 個虛擬土地地主，商品交易總額突破 1.44 億美元。至於日後元宇宙「AV樂園」會點樣玩法？相信起碼唔會咁老土係虛擬無法律的世界中仲有「格仔」咁反智吧？