由Matt Reeves執導，Robert Pattinson主演嘅新版蝙蝠俠《The Batman》，繼10月份公開第2條預告後，官方日前所推出嘅日本版預告加咗唔少新鏡頭，進一步揭示謎語人同蝙蝠俠之間嘅過節。

比起早前長達2分40秒嘅國際版預告，日版預告就比較短只有分半鐘，不過加入咗好幾幕從未曝光嘅片段，主要講述謎語人同蝙蝠俠之嘅關係，其中有一幕謎語人屋企牆上貼滿蝙蝠俠Bruce Wayne嘅剪報同相片，似乎表示謎語人同Wayne Family一早有牙齒印，所以向蝙蝠俠宣戰。而喺片尾當蝙蝠俠除低面罩嗰陣，謎語人更直接講出「Bruce Wayne」大名，口吻同語氣都不禁令人諗起Joker。

據導演Matt Reeves先前透露，今部電影將會類似早期漫畫，以偵探故事風格為主，講述剛成為蝙蝠俠嘅Bruce Wayne同連環殺手「謎語人」交鋒時，發現葛咸城（Gotham City）腐敗嘅一面，預計2022年3月上映。

同場加映先前嘅國際版預告：