動漫作品《遊戲王》風靡全球多年，其卡牌遊戲累計銷售量更突破300億張，Fans遍佈全球多地。最近有位媽媽喺Facebook分享兩張照片，表示佢為去世兒子專程製作卡牌風格墓碑，瞬間感動萬千網友。

日前網友Virginia Denley-hill喺一個《遊戲王》FB群組分享兩張照片，表示阿仔不幸於上年4月離世，由於對方生前係一名《遊戲王》卡牌忠實Fans及收藏家，所以佢專程製作一款卡牌風格墓碑，希望阿仔會同樣感到滿意。

圖片截自：Facebook

貼文瞬間獲得大量關注及轉貼，唔少網友都對呢個行為大為感動，紛紛留言鼓勵及安慰呢位媽媽可以早日走出傷痛。