自COVID-19疫苗問世以嚟，全球各地都有唔少聲音反對接種，不過喺印度就有位85歲老人唔單只冇反對，仲覺得打完疫苗後身體病痛少咗，繼而喺一年內接種多達12劑疫苗。

（圖片截自：The New York Times via Mandal Family）

據《紐約時報》報導，印度一位85歲退休郵差Brahmdeo Mandal，自去年2月13日接種首劑疫苗後，認為疫苗夠能舒緩佢嘅背痛問題，食慾得到改善，有助身體更加健全。於事就用自己身份證接種9劑疫苗，同時盜用埋老婆嘅電話號碼及投票卡等證件去接種更多，並且將每次接種時間及地點都寫低喺一本簿仔。由於佢每次都去唔同嘅接種中心接種，所以冇人認得佢，直到打第12針後先被醫護人員揭發。

（圖片截自：The New York Times via Mandal Family）

暫時未知Brahmdeo Mandal究竟點做到同埋有冇作大數，當地衛生部門已展開調查，其中一位官員就證實Brahmdeo Mandal的確喺當地4個中心共接種過8劑疫苗，但最終數字仍有待查證。