Netflix人氣犯罪劇集《Money Heist（紙房子）》上個月正式大結局，除咗官方宣布會拍衍生劇《Berlin》之外，日前韓國版本亦公開首條預告，預計今年內上架。

從預告片可以見到，由劉智泰飾演嘅「教授」身處暗黑房間，望住牆上六款面具盤算住驚人計劃。另一方面，由金侖珍飾演嘅談判專家就身處於控制室，眼神凌厲望向鏡頭，彷彿即將上映一場正邪大戰。

韓版《Money Heist》由韓劇《客：The Guest》、《Voice》金弘善執導，《我的智能情人》編劇劉勇在撰寫劇本。除咗男女主角之外，仲有《魷魚遊戲》朴海秀飾演Berlin、《燒失樂園》全鐘瑞飾演Tokyo、《3個特攻美少年》李玹雨飾演Rio、《惡之花》金智勳飾演Denver等等。