情人節仲有唔夠1個月，你搵到你嘅伴侶未呢? 有嘅就要煩疫情之下可以點慶祝，無嘅就諗下點先有，或者可以參考下以下嘅資料。

旨在撮合認真關係嘅 Coffee Meets Bagel 近日就進行左最新問卷調查，深入探討港人對約會、建立關係及尋找伴侶必備嘅條件，結果發現原來大家嘅擇偶清單都好長！香港年輕單身一族（18至25歲）尋找理想對象時，會考量超過20項必備條件及必定不能具備嘅地雷。不過調查結果卻顯示，無論清單有幾多條件，戀愛經歷會不斷影響我地對關係嘅睇法，人們對伴侶嘅需求亦會隨住時間不斷改變。

根據研究顯示，其實97%港人現時嘅伴侶並不符合佢地單身時訂立嘅理想擇偶條件。而事實上，每5名蜜運中嘅女性，有4位嘅伴侶只符合一半或以下嘅理想擇偶條件。雖然如此，但好多人卻因此對關係感到更滿足。

呢個結果實在係令人出乎意料，但同時值得一眾單身貴族諗諗點樣先最真正適合自己嘅理想伴侶。

嗱！留意啦，其中研究入面部份擇偶必要條件：

－ 清新口氣係女性擇偶嘅首要條件

－ 長腿只排喺男性重視的十大外表特質排行榜第9位

－ 整齊眉毛好緊要！同時登上男性及女性重視嘅十大外表特質排行榜

－ 超過一半男性及女性受訪者表示會因為約會對象太凌亂而拒絕對方