相信大家對巴黎聖日耳門(PSG)同Jordan Brand嘅合作應該一啲都唔陌生，雙方此前已經合作過數回，而今次最新推出嘅系列就包括波衫、運動服裝、Air Jordan 1 Mid球鞋等。

PSG嘅波衫近年都一直係由Jordan Brand贊助，而今次全新系列就加入Michael Jordan當年效力嘅NBA球隊公牛嘅元素，設計師以白色作為基礎，現上紅黑線條作點輟，再加埋PSG及Jordan Brand標誌，可以話係將足球及籃球完美結合。

預計呢批新波衫波褲將於球隊下半季開始換上，屆時大家將可以睇到美斯、麥巴比等球星帶住公牛隊嘅感覺喺場上展示實力。