隨住人氣動畫《鬼滅之刃》「遊郭篇」圓滿落幕，官方隨即宣布製作第三季「刀匠村篇（刀鍛冶の里篇）」，並公開首波視覺圖及宣傳片，「戀柱」甘露寺蜜璃、「霞柱」時透無一郎即將登場！希望今年之內就有得睇喇~

「刀匠村篇」改編自原著漫畫第十二卷（第98話起），講述炭治郎嘅日輪刀於對戰「上弦之陸」墮姬及妓夫太郎期間再度損壞，而鋼鐵塚又唔肯幫佢鑄造新刀，於是炭治郎一行人就決定親自造訪鍛刀匠村，屆時將會出現其他上弦鬼，而「戀柱」甘露寺蜜璃、「霞柱」時透無一郎亦會大顯身手。暫時未知具體上映日期，有興趣嘅朋友請密切留意。