投降有好多方法， 扮傻係其中一種。根據烏克蘭一位記者係Twitter發佈烏克蘭東部城鎮舍夫琴科韋（Shevchenkove）一間警察局收到兩位俄羅斯士兵走入去求助指坦克無油，可否借少少油幫幫手入油，結果當然被烏克蘭生擒逮捕。不過最有趣Twitter標註話個記者貼文「違反規則」原來依照國際法規定，唔可以公開戰俘的照片與身分，網絡上對呢兩個入敵方差館借油的士兵充滿辱罵與嘲笑，其實佢兩個都好慘，人在外要求助搵當地警局可能只是常識，要怪應該責怪當權者！

根據烏克蘭一名記者2月27日係推特發文加照片，兩位俄羅斯大兵將坦克開入烏克蘭東部城鎮舍夫琴科韋（Shevchenkove）後，發現燃料用盡，佢地於是走入當地警察局求助。《基輔獨立報》軍事記者Illia Ponomarenko發文直指兩位俄軍係「白痴」，「我不敢相信我在告訴你們這種事」。雖然大多數網絡留言都係辱罵與嘲笑，不過都有人幫口指兩位是善良的人。「又不是他們要開戰的」，「我想這是一種投降的方式，他們根本不想要這場戰爭」。而Twitter則標註此則推文屬於「違反規則」。俄烏戰爭爆發後，唔同傳媒都有傳出俄國軍隊戰車坦克都有少部份因缺乏燃油而中途停頓無法前行情況，相信可能係「樹大有枯枝」。如果因此而睇少俄軍作出評論相信係唔夠公正，當然如果多點無油的戰車在路上停滯當友誼之車最大的贏家可能係「和平」！

戰爭係殘酷而真實，希望作為鍵盤戰士大家都留下口德，唔好學某些國度人士，引人反感，最終害苦自己國家的人！