目前身在白羅斯協助烏俄和談嘅俄羅斯油王艾巴莫域治 (Roman Abramovich) ，昨日宣佈賣盤車路士，並會將賣盤賺到嘅所有錢捐出，協助烏克蘭戰爭受害者。消息一傳出，唔少車迷都對失去呢位可能係史上玩「金錢足球」玩得最成功嘅班主而婉惜，但唔使驚！因為冇咗油王，你哋可黎迎來一個拳王呀！

I wish to explore this. @ChelseaFC pic.twitter.com/ABEjjCqhD7

— Conor McGregor (@TheNotoriousMMA) March 2, 2022

卻說車路士賣盤嘅消息傳出冇耐，Conor McGregor就喺Twitter貼出一張WhatsApp對話截圖，似乎就係佢同自己嘅團體講「車仔放盤30億英鎊喎！賣囉我哋！」而帖文亦標記咗車路士官方Twitter，加多句「我想傾下」，睇落好似好認真咁喎！

今次亦唔係Conor McGregor「話」自己想入主球隊，本來就係曼聯迷嘅佢，之前曾經講過想收購曼聯，結果當然就係冇咗回事。今次佢又話想收購車路士，你估佢有幾多成真呀啦？

圖片：截圖自Twitter

但網民們嘅就擺明當佢吹水兼當笑話，最主要就係話佢邊有錢！有網民就話依家車仔標價30億鎊，「你哋有冇人Google過 McGregor有幾錢身家？得嗰億幾，佢賣鬼到咩！」、「你估你玩緊FIFA 職業模式咩！」、「你夠唔夠錢買賀蘭特 (Haaland) 呀？」、「3X% 嘅新特蘭賣千一萬咋喎，對你黎講實際啲」，最Mean嘅一個留言就係「如果唔可以賣蘿柚3鎊被拮一嘢，你有啲咩係買到架？」反正大家都認為Conor McGregor冇錢扮四條，完全當佢係笑話咁睇。