當我睇到呢個新聞都一度懷疑係咪戰場植入式廣告，但明明打緊仗生或死的邊緣無理由賣廣告！近日有傳烏克蘭首都基輔傳有軍人想出「屎橋」將大量最新出遊戲《艾爾登法環》遊戲光碟裝入容器，再用迫擊砲打入俄軍陣地內，利用最新電玩遊戲魔力動搖敵方軍心，試圖拖慢俄軍進攻！原來俄羅斯與烏克蘭都有大量玩家期待呢個新作推出，年輕軍人只因形勢所逼要上戰場唔可以打機，所以烏克蘭軍事專家 Boydan Dymetrus 讚同呢個動搖軍心的心戰招數，烏克蘭指揮官同意呢種「膠戰」方式，認為方法值得一試，畢竟留係室內舒服玩該款遊戲大作，遠比係又冷且到處爛泥的戰場廝殺好太多了，希望年輕俄軍可投降或回家齊齊打機！

俄羅斯同烏克蘭戰爭將近一星期， 首都基輔喺烏克蘭軍民奮力抵抗之下，多次成功阻擋俄軍攻擊，最近萬代南夢宮遊戲大作《艾爾登法環》Elden Ring剛推出不久， 基輔守軍近日想出奇招，將大批該遊戲光碟裝入容器，以迫擊砲打入俄軍陣地內，用電玩遊戲動搖敵方軍心。記住大家聽故唔好駁故，唔好問點解射到遊戲光碟畀俄軍唔射燃燒彈或者炸彈畀俄軍？！

《艾爾登法環》係近期最強大遊戲新作，在此我無意多加介紹宣傳（除非收到錢！），該遊戲發行日期已經延期數次，令全球玩家期待萬分！經過一班烏克蘭守軍建議，烏克蘭指揮官同意以大量遊戲光碟射向俄軍示好，藉此讓大批俄軍士兵分心，拖慢行軍速度。烏克蘭軍事專家 Boydan Dymetrus 表示贊同此項策略，因為該類型遊戲需要花費好多時間和精神，且過程非常令人上癮，如果策略成功的話，係有可能降低俄軍士兵的戰鬥意願。

果然近日俄軍向前推進勢頭開始減慢，唔知係咪因為烏克蘭送贈大量 《艾爾登法環》遊戲起到作用？打機當然好過打仗，和平回家共同打機絕對係萬利而無一害！