{ SKIP }
文:MenClub 摯樂  圖:互聯網
POSTED ON 08 Mar 2022
【賀壽KOL】車路士球星泰亞高施華收錢網上幫人拍片祝賀特攝短片服務上線

英超球隊車路士後防大將泰亞高施華雖然貴為球星,但絕無架子如果大家結婚祝壽想搵人拍短片祝賀,除左上淘寶搵網上非洲短片祝壽軍團,而家仲可以有新選擇可以搵球星泰亞高施華親自祝福,每次收費就要約3100港元,價格可謂賀壽界KOL之首,如果你有少少種族上特別要求,佢隊友巴西白人球員中場佐真奴都可以掛帥上陣拍片,如果拍攝企業專用商業用途片收費更高約117000港元,其實以車路士球員身價,拍攝可能純粹為人民服務想賺錢入球烏龍波賺得更多,大家有興趣拍片可以諗諗佢!


作為巴西國家隊核心後防領袖以及英超球會車路士重心中堅,泰亞高施華人工唔少周薪高達95000英鎊,不過網上幫人拍片一為興趣二為助人,居然成為球壇熱話。話說其名字係客製化影片錄製網站Cameo上出現,任何人只要肯課金付費,就可以得到該位球星親自參與出鏡按照付款者要求拍攝影片訊息,例如祝賀或其他DJ式訊息發表,相關服務訂價不菲,每次收費高達300鎊(約3100港元)。網上注明影片只限私人用途,如果用於商業用途,為公司顧客或職員拍片的話,收費更高達11250鎊(約117000港元)。


相信必定要係車路士或巴西國家隊球迷先可能使用呢個服務付出呢個成本,暫時該項服務暫時有五個5星級滿意好評,所有用戶都讚譽有加,相信畀左錢真係做到野!不過上淘寶搵國內非洲賀壽兵團拍短片祝賀價格平得多! 真係百貨應百客!如果拍片祝福你想收到邊個球星或女星呢?



耗資9,000萬美元製作嘅DC英雄電影《Batgirl》日前被華納兄弟取消發行,唔上戲院亦唔上串流平台,消息震撼影壇,有人歡喜有人愁,亦有人衝出嚟抽水... blockquote class="twitter-tweet"p lang="en" dir="ltr"I# ...
hobby
【攞景定贈慶?】《尚氣》劉思慕諷刺DC《Batgirl》取消發行惹網民批評
08 Aug 2022
8月25日上映嘅《明日戰記》號稱香港影業史歷年最大規模製作,亦大概係今年,甚至係近幾年最令人期待嘅香港電影,而同樣黎自香港嘅著名人偶廠Hot Toys亦將會推出《明日戰記》嘅珍藏人偶,而且一推就有兩款,分別係古 ...
hobby
【玩物】Hot Toys出《明日戰記》古天樂 劉青雲人偶
05 Aug 2022