講起龍神丸，大家個腦一定係立即浮現嗰部藍白紅黃配色，成部機基本上係一個正方形嘅三頭身機械人，咁你又有冇諗過如果龍神丸長高咗會係咩樣？Bandai新出嘅「HG Amplified IMGN 龍神丸」就係最好嘅示範！

產品名中嘅「Amplified」，其實係指按原作設定為藍本，作出跨張演繹嘅意思，簡單啲黎講就即係拎住「龍神丸」個框架大改特改，所以最後嘅成品就變成呢隻長身龍神丸，除咗還原度最高嘅頭部、頸上嘅勾玉、精緻度超高嘅浮雕龍頭肩甲之外，其餘部份基本只保留咗配色，但加入如金龍爪等細節，唔睇個頭大概會以為係部高達黎。而「HG」當然就係Bandai引以為傲嘅HG等級技術，例如裝組方式與骨架等。

講得龍神丸當然不能不提登龍劍，「HG Amplified IMGN 龍神丸」配有長16.5cm、電鍍金機身嘅登龍劍，再加上使用HG骨架以及合理嘅身體比例，令「長身龍神丸」能夠輕易擺出不同甫士；肩甲上嘅龍爪亦可以除下並裝上手腕，重現銀河龍牙拳。呢個質素賣5,500Yen，我買呀！

資料來源：Bandai