俄羅斯因入侵烏克蘭一事，被大量國家制裁，令俄羅斯本來嘅國外供應鏈瞬間被斬斷，而為左彌補國內供應問題，俄國決定取消部份商品嘅知識產權限制，亦即係一眾翻版將正式獲得正名嘅機會。

據消息指，俄羅斯為左減低部份主要商品嘅供應問題，所以決定放寬知識產權限制，亦即係話無論係電影、遊戲、電腦軟件、商標、專利等嘅翻版都將於俄羅斯合法化，佢地唔會視佢為翻版從而禁止佢地。

而一眾俄羅斯企業亦都唔使再為版權及專利付款，所有企業都可以用上其他國家嘅任何知識產權及專利，亦即係話你有能力將國外嘅野Copy番俄羅斯，你就可以自行拎黎用，咁樣亦代表俄羅斯將成為全球最大嘅翻版國家。

另外，由於大良國外企業紛紛停止為俄羅斯國內提供服務，令俄國少不免陷入麻煩，因此國家竟然宣佈重開俄國最大嘅翻版資源網站RuTracher.org，亦代表住國家認同人人齊齊用翻版。