隨住俄羅斯入侵烏克蘭，某國又小動作多多，國際政情立馬變得風起雲湧，各國都馬不停蹄進行會面、磋商，為可能更壞嘅下一步做打算。但日前拉脫維亞總理Arturs Krišjānis Kariņš到訪英國，準備去唐寧街與英國首相Boris Johnson會面，商討烏克蘭局勢時，竟然遇上「攔路虎」，令整支車隊被迪停下。而攔路者正係頂頂大名嘅「內閣辦公室首席捕鼠大臣」Larry！

I have got to hand it to you @Number10cat , you really know how to pick your moments. Just before the Latvian Prime Minister arrives, you decide to go for a walk to inspect your territory. The Latvians duly wait in their cars until you are safely on the pavement. Priceless! ???? pic.twitter.com/IltN7uclny

— Chris ???? (@imageplotter) March 14, 2022

事情最早係由駐倫敦攝師Chris (@imageplotter) 於Twitter上揭露。佢發文並標記Larry話，日前當拉脫維亞總理Arturs Krišjānis Kariņš嘅車隊準備到達唐寧街之時，一向我行我素嘅Larry「突然決定開始巡視領地」，於是走出唐寧街嘅馬路上，剛好阻擋車隊前進。為確保Larry嘅安全，成個車隊都喺車上乖乖等Larry慢慢行返上行人路先繼續前進。Chris笑言「你都識揀時間啦！」

Apologies @krisjaniskarins https://t.co/PypA27oxod

— Larry the Cat (@Number10cat) March 14, 2022

Chris亦補充，當時Larry睇黎係啱啱食飽飯，「睇你個樣就似係想去花圃便便，但後來改變主意。」有趣嘅係Larry嘅Twitter亦有轉推Chris嘅發文，並標記Arturs Krišjānis Kariņš講咗聲唔好意思，而下面就有網民留言，「呢個一定係假Account，因為貓係唔會道歉嘅。」