要數目前日本漫畫界中畫功最好嘅人，《One Punch》及《Eyeshield 21》作畫村田雄介老師絕對係名列前矛。而且佢仲繼續精益求精，不停練習，已經唔止令讀者驚艷，就連其他漫畫家都感到驚嚇。例如近日佢於Twitter上傳自己嘅「晨間練習作」，就嚇到《第一神拳》作者森川讓次 (森川 ジョージ) 高呼「你好停啦！」

出水先生こんばんは！先生のこの工程を拝見して僕も今日ガラス玉を描いてみました。いつも素敵なカラーイラストをすごい量アップされていて、感服しつつ勉強させていただいてます。 pic.twitter.com/KMvhkAeF2q

— 村田雄介 (@NEBU_KURO) March 28, 2022

昨晩起きれんかったので朝練。金属球。いいレイヤーの手順がわからないのでまた描く。 pic.twitter.com/PEvje0z8ic

— 村田雄介 (@NEBU_KURO) March 29, 2022

練習。グラス。 pic.twitter.com/KmOohNPH68

— 村田雄介 (@NEBU_KURO) April 4, 2022

卻說近來村田雄介老師早前見到《約定的夢幻島》作畫出水ぽすか老師於Twitter上傳練習畫一粒玻璃珠嘅話程，深受感動嘅佢於是又用Photoshop跟住畫，並於3月28日畫出一個水晶球 (仲Tag咗出水ぽすか黎睇)。去到3月30日佢就再進一步，於晨早練習中畫出一個反映出週邊景色嘅金屬球，效果都已經相當好。但村田老師仲話自己未搞清楚啲圖層應該點處理，所以會再畫多次。

然後到4月5日凌晨，唔瞓覺嘅村田老師又喺Twitter上傳咗一張「扭曲玻璃杯」嘅「照片」，並簡單留言「練習。玻璃杯」。網民放大張相先確定原來呢個玻璃杯唔係相，而係村田老師手畫出黎，筆觸清晰可見。於是大家都高呼難以置信，有人話一開始以為村田老師係練緊影相，又有人笑問村田老師究竟係咪人類。

やめてくれ。
同業者と名乗れなくなる(TдT) https://t.co/6Xueptqprj

— 森川ジョージ (@WANPOWANWAN) April 5, 2022

村田老師嘅練習作亦引來多位同業者留言，《今日も絵に描いた餅が美味い》作畫梅渡飛鳥留言：「我以為係真架！你搞到我好亂呀！」而遊戲《三國志大戰》、《Xenoblade》系列嘅插畫師風間雷太亦留言話以為係真嘅。不過最搞笑嘅就係《第一神拳》作者森川讓次，佢轉推咗村田老師個玻璃杯然後話：「你好停啦！我都唔好意思話自己係你嘅同行啦！」