為咗令學生對課堂感到興趣，唔少老師都會加入來自流行文化嘅例子黎講課，而黎自日本大學工學部機械工學科嘅助教「Wataru Imahayashi」日前就喺課堂中以著名嘅《EVA》作例子向學生解釋機械人概念，結果台下有位學生唔認同「EVA係機械人」，仲寫咗份報告解釋佢嘅觀點，結果令日本網絡出現一場「EVA是否機械人」學術討論。

Wataru Imahayashi日前於Twitter上發文指，佢於課堂中話EVA係機械人後，收到一個學生報告反駁「EVA唔係機械人」，事情本身其實已經告一段落，但Wataru Imahayashi嘅發文就引起日本Twitter網民繼續熱議。

有人提出，《EVA》創作人庵野秀明曾經稱《EVA》為「機械人動畫」，所以EVA好明顯係機械人；但就有人反駁，就算《EVA》係「機械人動畫」，都唔代表入面出現嘅「泛用人型決戰兵器 人造人EVANGELION」係機械人。

なお庵野監督本人曰く pic.twitter.com/YXd5uuDPY3

— どこにでもいてどこにもいないすき焼き奉行 (@SukiyakiBugyo) April 16, 2022

又有人提出，「機械人」嘅古老定義係「為了代替人類工作，模仿人類嘅形態而且自主運動」，所以EVA係機械人；但呢個說法同樣被人反駁，話EVA需要有人於機內駕駛，所以唔算「代替人類工作」又唔係「自主運動」，所以唔算係機械人，頂多只係重型機器 (即係挖泥機之類)。但呢個說法同樣被反駁，因為大家都認同係機械人嘅高達，同樣需要有人駕駛。又有人提出，EVA初號機暴走時係唔需要人駕駛，咁係咪嗰一刻佢就係機械人呢？

古い定義としては「人の代わりに作業（労働）をさせることを目的に人の姿と自律行動を模して作られたもの」だからロボットで正解。

— ひで68 (@hidesancamera) April 15, 2022

亦有人從設定中解釋。佢認為「機械人」理應係「無機體」所製成，但EVA本體係來自複製「亞當」或「莉莉絲」嘅細胞而成，外面嘅裝甲嚴格上係壓制力量嘅拘束具，換言之EVA係有機體，所以唔係機械人；但亦有人反駁，動畫中話就話係人造人，但又要插電、冇電就好快失去活動能力等都表明佢有機械人特性。

古い定義としては「人の代わりに作業（労働）をさせることを目的に人の姿と自律行動を模して作られたもの」だからロボットで正解。

— ひで68 (@hidesancamera) April 15, 2022

呢場辯論當然唔會輕易有定案，但正如Wataru Imahayashi所講，老師教嘅嘢唔一定係啱嘅。或者呢次就係鼓勵學生以至普羅大眾好好思考嘅好機會。