去年NBA聯同軒尼詩喺尖沙咀打造全海景籃球場，相信作為籃球迷嘅你一定有去朝聖。而近日，軒尼詩再度同NBA合作，推出限量版NBA X.O，即刻搶購收藏唔係仲要講麻?

作為NBA首個全球官方烈酒合作夥伴，雙方嘅精神及信念非常一致，就係「無懼失敗、無畏挑戰嘅自我突破」。今年雙方將合作推出新加盟嘅軒尼詩X.O NBA限量版禮盒裝，樽身將印上NBA嘅標誌，禮盒則以黑色磨紗設計，並用金色線勾劃出籃球嘅模樣，極盡奢華。唔單止咁，NBA限量版X.O樽身上亦印上黑金色籃球圖案，絕對令籃球迷愛不釋心。

同時，軒尼詩亦將於今年5月將全球項目「Hennessy In the Paint」首次帶黎香港。「Hennessy In the Paint」為軒尼詩獨一無二嘅全球藝術計劃，希望透過一連串藝術演繹，貫切 NBA 勇於突破及創新嘅精神活化香港社區。