陪人唱K悶悶地可以做咩野？除左聽人唱歌外日本卡拉OK最新提供高品質「衣車」服務，可以借成部衣車讓客人係K房縫褲改衫，對熱愛唱K又鐘情Cosplay的朋友而言極方便，可以自行製作縫紉適用服裝，更有地方媽媽專情為子女縫製改衫而開間卡拉OK包房，縫到悶悶地又可以高歌一曲，如果香港都學習外借衣車女朋友幫手縫褲做衫，兩口子K房內大車特車，口裡唱著雙手也不閒著真係好溫馨！

史無前例租用「衣車」(縫紉機)服務來自日本連鎖卡拉OK品牌「JOYSOUND」。最近推出呢個服務讓客人可以係K房包廂裡面縫製衣服，引發日本網友熱烈反響！好多家長同有玩開Cosplay要整衫的人都表示熱烈歡迎，除咗日本衣車品質上乘之外，K房仲可以提供桌子提升效率，車衫車到攰攰哋仲可以現場唱首歌輕鬆一下，簡直係神級方便享受～～

日本人唱K又多一個原因，今次呢一波創意非常成功，但凡係日本網絡搜尋日本連鎖卡拉OK「JOYSOUND」，就會同時出現「縫紉機」相關話題。成功挽救連鎖卡拉OK業務且將唱歌和縫紉兩樣風馬牛不相及嘅事連埋一齊！所以話日本人的創意係非常強大又實用！

其實JOYSOUND的母公司正正係日本衣車(縫紉機)大廠Brother，於是因利乘便趁著日本新學期季節，好多家長都要替小朋友縫便當袋或衣服姓名牌時，推出呢項史無前例租用「衣車」縫紉機服務。不過目前呢項服務只在「JOYSOUND池袋西口公園前店」推出租用費一次1,000日圓，K房包廂費另計！唔知日後會唔會成為日本卡拉OK常態服務！