年紀有返咁上下嘅Gentlemen，對於《黃金戰士》呢套動畫應該非常熟悉，所以當你見到曾經推出過《高達》口罩嘅Gimans Care以龍之子官方授權推出呢盒口罩，應該都會幾有興趣。不過其實你買緊嘅唔係一盒口罩，而係一個41cm高嘅黃金俠！

點解咁講呢？就係因為呢盒限量版口罩入面，除咗真係有30個印有黃金戰士水晶切割花紋，符合ASTM F2100-19 LEVEL 3，BFE PFE VFE >99%標準嘅口罩之外 (金、銀色各15個)，仲附送咗一系列紙製配件，配合個金光閃閃嘅口罩盒，就可以組裝成一個高41cm嘅黃金俠。老婆、女友平時唔畀你買Figure啫，買盒咁啱可以變Figure嘅口罩你耐我唔可啦掛？

呢盒《黃金戰士》限量版口罩由今日起於Gimans-Care官網接受預訂，售價為HK$198，每人限購兩盒。另外由聽日起亦可以於Gimans Care旺角門市買到。

資料來源：Gimans-Care