細個時唔少小朋友都會將電視上面播嘅卡通分成「男仔睇」同「女仔睇」，而且唔少男仔都唔敢話畀人知其實佢有睇「女仔卡通」，而且仲睇得好開心。好似由2000年起於香港播映嘅《小魔女Doremi》咁，幾多男仔連啲咒語都記得到依家！咩話？你話你冇睇過？咁黎緊你就有機會啦！因為東映宣會於YouTube上重播整套《小魔女Doremi》！

／
????「おジャ魔女どれみ」YouTube全話公開決定！????
＼
東映アニメーションミュージアムチャンネルにて、
毎週水曜１話ずつ公開です
そしてなんと！来週7月6日（水）20時から第1話をプレミア公開も！????????

????チャンネル登録はコチラ????https://t.co/dGMfsLq1bj#おジャ魔女どれみ pic.twitter.com/VdikoY8JwB

— 【公式】おジャ魔女どれみ20周年 (@Doremi_staff) June 29, 2022

《小魔女Doremi》日文原名《おジャ魔女どれみ》，係由1999年起於朝日電視台播出嘅魔法少女動畫，前後四季對應主角春風Doremi等人由小學三年級到小學畢業期間，以魔法解決生活中大小事嘅經過。雖然事隔多年大家應該都唔記得劇情究竟講咗啲咩，但相信大家都會記得「比利卡比利那那撲撲利那比比路多」、「巴美露古拉露古 拉里羅利卜布」、「派派幫幫 普哇普哇普」等魔法咒語。

而東映今日就宣佈，會由7月6日起，逢星期三下午六點鐘起，於YouTube「東映アニメーションミュージアムチャンネル」重播《小魔女Doremi》全套共201集。特別要留意嘅係，每個星期會播出一集，而每集只會公開兩個星期 (而且相信係日本IP限定)，所以大家要把握時間去睇。