英國倫敦東北部有一位25歲神級藝術家James Cook專門利用舊式「打字機」作藝術創作，唔經電腦一粒一粒清脆打字聲就化腐朽為神奇變一張一張令人嘩然畫作！7月15日起James Cook將會係MALDON展出佢神奇般打字機畫作！佢有分享教大家點畫，建築物就用符號@、數字、W跟P等字母細膩刻畫，至於畫人像就可以利用括號重現瞳仁曲線，用@描繪膚色，因為@「占的面積比較大」，畫一幅細畫可能已經要花4-5日時間。所以用「打字機」畫畫未必好難但花心機花時間認真作畫就真係好難！

在 Instagram 查看這則帖子

James Cook Artwork（@jamescookartwork）分享的帖子

認真工作嘅男人最型，所以James Cook無論咩樣都係型！佢2014年開始創作打字機藝術畫作，當時佢只係一個普通藝術科學生，偶然發現1920年代一位創作類似作品嘅藝術家。然後一開始佢認為呢種想法「唔可能做到」，直到他親自投入嘗試就一發不可收拾。「我決定出去尋找一部自己的打字機，這完全是出於好奇。我由2014年先開始慢慢學習點樣作畫。」起初佢認為建築物比較容易落手，因為直線居多，而且打字機從左向右移動比較易掌握，後來掌握竅門後畫人像都唔成問題。Cook坦言：「我用打字機畫畫前，根本唔識畫人像畫。其實我而家用打字機畫人，可能比起拿筆畫得仲好。」

最初佢仲想入大學讀建築系，不過愈來愈多人關注佢打字機藝術後，佢成為全職打字機藝術家。好多人開始捐打字機畀佢，一部打字機就成就一幅畫作，成功為舊打字機賦予新生命。 如今cook去到邊都可以創作，只要畀部打字機佢，就可以有神來之筆！佢坦誠運用「受限制」媒介同進行創作，畀到佢最大滿足感。用打家機畫一幅細畫作就可能耗費4至5日時間，人像可能更耐，至於最後拼接起來的大型全景圖，則可能耗時2星期至1個月。絕對係慢工出細貨！