於去年底發射，耗資高達100億美元嘅韋伯太空望遠鏡（James Webb Space Telescope）再度公布全彩高清照，揭示宇宙深處星雲奇觀，壯麗景色令人讚嘆！

NASA透過光譜分析發現行星WASP-96b存在水蒸氣。

今次NASA所公開嘅照片包括南環狀星雲、史蒂芬五重星系、船底座星雲，以及一張光譜分析圖，揭示一顆距離地球1150光年嘅行星「WASP-96b」存在水蒸氣，但可惜太熱不適合人類居住。

南環狀星雲（Southern Ring Nebula）由氣體及塵埃組成嘅球狀星雲，距離地球2,500光年。

史蒂芬五重星系（Stephan’s Quintet）早於1877年首次發現。

雖然被稱為「五重」星系，事實上只有右邊四個星系比較靠近，距離地球2.9億光年，而最左邊星系則距離地球約4,000萬光年。

船底座星雲（Carina Nebula）係由氣體及塵埃組成嘅巨大星雲，距離地球7,600光年。

同場加映天文觀測史上最遙遠、最古老、最清晰嘅紅外線影像，相中嘅有部分光嚟自130億年前，而大爆炸（Big Bang）都係大約138億年前發生，換言之呢張幾乎回溯到宇宙嘅起點。