《高達》遊戲過去咁多年以來可以話係多不勝數，不過大多係按故事或大亂鬥型式出現，但你又有無諗過，吉姆打嘅唔再係老虎，而係巴巴托斯? 大佬....咁點可能夠打呀? 係呀，而你可能就係揸吉姆個位主角。

今次《SD GUNDAM 激鬥同盟》就大玩「破史任務」，高達歷史將會改變，時空錯亂令機體角色互換，就好似你明明揸緊部吉姆，諗住會對上老虎，點知突然之間部老虎換左係巴巴托斯，而你就要盡力破關去將破史變回正史，當你成功完成破史任務，正史任務就會隨即出現，讓你原汁原味體驗高達著名場景對戰。

另外，你亦可以在任務入面獲得不同機體嘅設計圖，咁你就可以使用不同嘅機體出戰，同時亦可以強化機體，以更高效率完成任務。

遊戲控制方面，你控制嘅機體自由度極高，動作亦非常流暢，而可以選擇嘅武器亦非常多，好多渣古就有機關槍、火箭炮、熱能刀、踢擊、撞擊等等，打落非常過癮，絕對值得一試！當然，遊戲收錄多部高達作品，絕對係Fans必玩之作。

SD GUNDAM 激鬥同盟

發售日：2022年8月25日

平台：Nintendo Switch™／PlayStation®5／PlayStation®4／Xbox Series X|S／Xbox One／Windows PC／STEAM®