如果甘道夫（Gandalf）能夠回歸，套劇會唔會更有睇頭呢？

於《魔戒三部曲》及《哈比人》飾演甘道夫（Gandalf）嘅資深演員lan McKellen曾向傳媒透露，其實佢一直等緊Amazon劇集《LORT：The Rings of Power（魔戒：力量之戒）》邀請佢參演，但可惜遲遲都冇收到電話，仲講笑咁話年齡並唔係限制，事關甘道夫呢個角色差唔多7,000歲，相比之下佢一啲都唔老。並表示隨住身邊朋友相繼離世，亦意識到自己已步入生命最後階段，所以每份工作都會當成後最後一次，做到最好。然而，直到第一季拍完並預計今年9月2日正式播出，演員名單上都未見lan McKellen嘅大名。

不過，《魔戒：力量之戒》監製Lindsey Weber日前接受《Total Film》訪問時就表示，製作團隊對任何事情持開放態勢，包括Ian McKellen回歸飾演甘道夫，並話「邊個會拒絕Ian McKellen呢？地球上冇人會對Ian McKellen Say NO。」言下之意，其實影迷都仲有機會見到甘道夫回歸。

值得一提嘅係，《魔戒：力量之戒》故事背景設定於《哈比人歷險記》及《魔戒三部曲》數千年前嘅「第二紀元（The Second Age）」，唔清楚甘道夫是否已經登場，但考慮《魔戒：力量之戒》作為一部「二創改編」劇集（所以惹嚟唔少原著Fans批評），唔排除會出現更多可能性。