{ SKIP }
文:MenClub 魏文青  
POSTED ON 05 Aug 2022

8月25日上映嘅《明日戰記》號稱香港影業史歷年最大規模製作,亦大概係今年,甚至係近幾年最令人期待嘅香港電影,而同樣黎自香港嘅著名人偶廠Hot Toys亦將會推出《明日戰記》嘅珍藏人偶,而且一推就有兩款,分別係古天樂飾演嘅B16區空戰部隊隊長泰來、以及劉青雲飾演嘅B-16區指揮官鄭重生。

「泰來」

兩者最大分別,當然係打開個頭盔面罩後見到嘅頭雕啦,畢竟一個係古天樂一個係劉青雲嘛!但除此之外,其實兩款人偶嘅素體都略有不同,「泰來」嘅素體全高31cm、而「鄭重生」就高30cm,兩者都係Hot Toys為是次計劃特製,具有超過30個可動關節,同時能夠承載完全按照電影設定而製作嘅動力重裝甲。

而裝甲本身就係由超過50個組件組成,飾有舊化效果提升造型層次感。兩款裝甲嘅共同點為左肩甲上配有LED發光夜視燈裝置、肩膀、上臂、腿側及背部位置配有機械支架、胸前有手槍套可收納手槍、大腿位置配有武器套、以及背部裝甲可開啟以裝上噴射器。配件方面就大家都有一柄重型機關槍、一把匕首、一把手槍、一枚煙霧彈、一枚閃光彈和一個特別設計石陣情景地台。不同之處就在於「泰來」版嘅裝甲上印有數字「26」,而且附有一把大刀;而「鄭重生」版就印39,而且附一把斧頭。

鄭重生」

另外Hot Toys Echo Base銅鑼灣專門店近日亦換上《明日戰記》主題佈景,除咗展出上述兩款人偶之外,更從電影公司「天下一」借到電影拍攝道具Exosuit 重裝甲頭盔及前期設計之重裝甲3D模型作展出。大家有興趣可以去睇下啦。

除咗舞蹈、音樂、建築、電影等「八大藝術」之外,近年一直有人認為「電子遊戲」有望成為第九大藝術(另一說法係漫畫),而近日大熱嘅《光與影:33號遠征隊》就可能係近年最接近「藝術」水平嘅遊戲之一。其中一個好例 ...
hobby
【電玩】Billboard兩個第一!《33號遠征隊》原聲大碟超受歡迎
08 May 2025
自從Microsoft喺一年多前逐漸放棄Xbox獨佔策略,轉向多平台發行遊戲後,如今似乎已在PlayStation平台取得顯注成效。最近Sony公布嘅PS5遊戲月度下載排行榜顯示,歐洲同北美地區嘅頭三名全部都係Xbox出品嘅遊戲,而且 ...
hobby
【電玩】Xbox遊戲在PlayStation平台大受歡迎!包辦PS5暢銷排行榜前三名
08 May 2025