日前任天堂於紐約Comic Con（NYCC）正式公開孖寶兄弟電影《The Super Mario Bros. Movie》首部預告，可見大反派Bowser乘坐熔岩漂流堡壘進攻企鵝國度，雖然企鵝軍團奮力抵抗，奈何實力懸殊慘遭團滅，更被奪走無敵星星。隨後鏡頭一轉，就見到Mario跌入蘑菇王國，並跟隨Toad深入王國內部探險，而Mario好兄弟Luigi亦有喺片尾登場。

me listening to chris pratt's voice come out of mario's mouth pic.twitter.com/yH3IKPjMBm

— allegra frank (@LegsFrank) October 6, 2022

who would have thought that chris pratt's big secret voice in the mario movie would be his normal speaking voice

— Hard Drive (@HardDriveMag) October 6, 2022

預告曝光後，唔少網民批評Chris Pratt嘅配音並冇模仿Mario嘅「意大利腔」(西西里口音)，只係用返平時講嘢把聲，同電玩原著有所出入。另外，亦有網民認為法語版配音更貼近原著。

Alright I'm watching the Mario Movie in French. pic.twitter.com/xX3ixgUNVv

— YongYea (@YongYea) October 6, 2022

《The Super Mario Bros. Movie》由任天堂及照明娛樂（Illumination）共同製作，《少年悍將GO！大電影》導演Aaron Horvath及編劇Michael Jelenic共同執導，《迷你兵團2》編劇Matthew Fogel撰寫劇本。除咗有「星爵」Chris Pratt聲演Mario，其餘配音員包括「碧姬公主 Princess Peach」Anya Taylor-Joy、「路易基 Luigi」Charlie Day、「龍王庫巴 Bowser」Jack Black、「奇諾比奧 Toad」Keegan-Michael Key、「大金剛 Donkey Kong」Seth Rogen，預計2023年4月7日於北美上映。