伊朗九旬老翁Amou Haji，生前獨居在一間佈滿煤渣嘅磚屋，過去60多年從未沖涼，平時更會喺馬路尋找動物屍體進食充飢，用生鏽油桶裝水飲用，吸食裝滿落葉及動物糞便嘅煙斗。自2014年被傳媒曝光後引起廣泛關注，被封為「世界上最髒的人（World's Dirtiest Man）」。

經過村民多次遊說下，最近Amou Haji終於踏出一步主動沖涼，然而沖完無耐就病倒，並於本月23日離世，享年94歲。

據了解，Amou Haji係因為年輕時經歷「情感挫折」而拒絕沖涼。雖然滿身汙垢，但今年初有醫師幫佢檢查身體時，發現佢除咗患有旋毛蟲病(因進食腐肉而感染既寄生蟲疾病)之外，身體非常健康，認為Amou Haji喺極端環境下生活多年，已形成強大免疫系統。

資料來源：BBC、dailymail