金像大導演James Cameron睽違13年科幻鉅作《阿凡達：水之道（Avatar: The Way of Water）》將於12月15日正式上映，日前導演接受《GQ》雜誌專訪時坦言《阿凡達2》製作成本高昂，更形容為「電影史上最差嘅商業投資決定。」

雖然James Cameron並冇透露《水之道》製作費實際數字，只係爆粗話「好_貴！」，但就透露如果想回本，電影必須要登上影史最高票房第3或第4位。翻查資料，目前影史票房排名頭5位分別係《阿凡達》(29.23億美元)、《復仇者聯盟4：終局之戰》(27.98億美元)、《鐵達尼號》(22.01億美元)、《星球大戰：原力覺醒》(20.7億美元)以及《復仇者聯盟3：無限之戰》(20.48億美元)，換言之《水之道》至少要超過20億票房先回到本！順帶一提，上年紅遍全球嘅《蜘蛛俠：不戰無歸》都「只係」得19.17億美元票房。

早前James Cameron就講過，如果《水之道》唔收得，《阿凡達》系列去到第三集就大結局，究竟呢個IP可以走到幾遠，就要睇今次表現喇。