{ SKIP }
文:MenClub 艾力克  
POSTED ON 16 Dec 2022

如果大家有印象,早前有位美國大學生長期喺Twitter公布Elon Musk私人飛機動向,搞到首富要出價5,000美金叫佢收手,但該名學生哥嫌出手太低所以拒絕接受。然而,最近就有網民發現該帳號已被永久停用。

美國大學生Jack Sweeney自2020年開設Twitter帳號「@elonjet」,長期追蹤Elon Musk等名人私人飛機動向,分享飛機升降時間、目定地及飛行時間,吸引大量網民追蹤。不過呢個行為就令Elon Musk唔多舒服,認為行蹤曝光會危害自身安全,喺今年2月就曾經出價5,000美金希望對方收手,但Jack Sweeney就覺得出手太低,認為至少要加多個零(即50,000美金),最終雙方傾唔掂數。

隨住Twitter近日更新平台政策,新增「禁止分享私人資訊」條款,要求用戶必須經當事人同意先能夠分享圖片、影片或其他個人資訊,該帳號已被永久停用。事後Jack Sweeney向外媒《INSIDER》透露,除咗「@elonjet」,佢另外30幾個追蹤朱克伯格、特朗普、Kim Kardashian等名人飛機動向嘅帳號亦被停用,但強調唔會因此而收手,將會喺其他社交平台捲土重來。

諷刺嘅係,上個月Elon Musk先拍晒心口,表示佢對言論自由嘅包容度甚至延伸到追蹤佢飛機嘅帳號,即使對人身安全構成威脅,亦唔會封鎖對方帳號。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025