由FromSoftware開發嘅奇幻RPG大作《Elden Ring（艾爾登法環）》上年年頭推出後大獲好評，即使難度頗高又唔易上手，仍吸引大量新舊「魂系」玩家入坑，全球大賣超過1750萬份，橫掃多個年度遊戲大獎（GOTY）。據最新統計，《艾爾登法環》已打破《最後生還者 2》紀錄，成為史上拎最多GOTY嘅遊戲！

據遊戲論壇《ResetEra》統計數字，《艾爾登法環》於2022年438個年度遊戲大獎中斬獲332個，得獎率超過7成，其中有288個由媒體評選、44個由玩家評選，成功打破2020年《最後生還者 2》322個紀錄，榮登史上獲獎最多遊戲寶座。同時亦比同年另一部大作《戰神：諸神黃昏》78個獎項多出4倍。

而且2022年度嘅遊戲大獎仲未頒曬，相信《艾爾登法環》最終成績將會更上層樓！

（圖片截自：ResetEra）