{ SKIP }
文:MenClub 魏文青  
POSTED ON 09 Jan 2023

高達系列最新動畫《水星的魔女》於昨日播出第一季最後一集,而結尾時一幕「高達拍蕃茄」嘅震撼畫面,令《水星的魔女》成為日本網民熱話。與此同時,網民發現《水星的魔女》竟然同零食品牌Aerial推出「蕃茄味零食」,令網民高呼「一切都係有預謀!」。

(以下內容含劇透)

卻說《水星的魔女》於昨日播出第一季最後一集,去到片尾曲都播埋嘅時候,主角蘇萊塔·墨丘利駕駛住風靈高達前往拯救米奧莉奈・連布蘭,而佢救人嘅方法,就係用高達一掌將敵人拍成肉醬,仲濺到米奧莉奈一身都係血 (網民戲稱為蕃茄醬),過激畫面瞬間令《水星的魔女》成為日本Twitter熱話,亦產生出大量同「巴掌」以及「蕃茄醬」有關嘅二次創作。

同時,有網民發現日本零食廠商Yamazaki Biscuits (YBC) ,竟然於最後一集播出當日,於Twitter發文宣傳《水星的魔力》聯乘旗下品牌Aerial嘅零食,並宣佈會推出以米奧莉奈為包裝嘅「米奧莉奈的新鮮蕃茄」口味。由於發文日子以及「蕃茄醬」呢個關鍵字,唔少網民都認定係預早知道動畫劇情後,明知「蕃茄醬」場面會成為熱話後嘅選擇,結果YBC嘅帖文留言,就充斥住「蕃茄醬場面」嘅截圖。

預計在明年夏天正式上映嘅《反斗奇兵5(Toy Story 5)》,近日流出一批疑似係劇照嘅渲染圖,隨住引起Fans們熱烈討論。事關相中唔見薯蛋頭先生及薯蛋頭太太嘅身影,令人擔心迪士尼會喺新一集刪走呢兩位經典角色。 ...
hobby
【影視】《反斗奇兵5》首批渲染圖曝光 薯蛋頭先生及太太或缺席今集?
09 Jul 2025
日本動漫文化於全球都有重大影響力,而隨住更多動畫登上各大串流平台,其受歡迎程度似水漲船高。近日Netflix就公佈最新數據,指出日本動畫嘅觀眾於過去數年間以倍數增長,到目前為止其全球訂閱者中有一半都會觀看日 ...
hobby
【影視】日本動畫成全球主流 Netflix指半數訂閱者近3億人觀看動畫
09 Jul 2025