呢排天氣凍凍地，最舒服當然係攤屋企暖笠笠冬眠啦！最近有日本廠商就出咗件可以著上身嘅懶人梳化，保暖得嚟又可以各種姿勢攤喺地下煲劇碌電話。

呢款可穿著懶人梳化由日本公司Hanalolo（ハナロロ）製造，除咗可以當作一般懶人梳化使用，更可以將成張梳化笠上身享受終極懶人生活，任由你坐喺度、瞓喺度或者趴喺度玩電話睇書煲劇。之不過張梳化唔算輕，成人版(L Size)重量約5kg，但我諗大家都唔會著住嚟周圍行嘅，所以問題應該不大。

梳化總共有S、M、L三個尺寸及4款配色，無論大人定小朋友都啱用，價錢分別為7,800、9,800及15,800日元（約港幣$470~950），目前已於Hanalolo樂天商店開放訂購，預計2月中發貨。