{ SKIP }
文:MenClub 魏文青  
POSTED ON 03 Feb 2023

《EVA》旗下品牌「A.T. FIELD」曾經出過切割機、辣雞、蛤乸衣、衝擊電鑽、工作椅等工業用具,靚就係好靚、但普通人根本完全用唔著,好難買得落手。不過最近佢哋終於推出「普通啲」嘅產品,就係下面呢隻黑鋼腕錶啦!

呢隻錶就叫做「A.T.FIELD EVANGELION WORK WATCH」,係以重視「耐久、機能、實用」嘅角度而設計。外觀上,錶殼及錶帶都用上啞黑色不鏽鋼,配上少量鮮紅色作點綴,而且採用不對稱外形設計,令整體感覺更為粗獷。磨沙錶面上除咗有大三針之以及日期窗外,亦有三個計時小錶盤,以及品牌「A.T.F」標誌。錶面玻璃亦「足料」地用上更堅固嘅藍寶石玻璃,或蓋就刻有NERV標誌。

除咗外型,機能上佢亦非常著重耐久及功能性。除咗有100米防水外,其日本製MIYOTA機芯配有衝擊感知功能,當感受到外部衝擊時,就會自動停止秒針轉動,防止支針飛脫。另外手錶亦配有皮質包裝盒,以及附送一個刻有獨立編號嘅名牌。

售價方面,日本官方售價係43,780Yen,即係大約HK$3,000左右。限量2,000隻。

資料來源:EVA INFO

《忍者龜》事隔近十年再度翻拍真人版電影,今次仲會以R級規格製作!
hobby
【影視】派拉蒙宣布開拍「忍者龜」R級真人版電影《最後的浪人》
15 Apr 2024
根據現場傳媒文字描述,大家唔使擔心Deadpool過檔迪士尼後會變得合家歡喇,Deadpool依舊咁抵死幽默!
hobby
【MCU】《死侍3》於CinemaCon展示9分鐘片段!延續原有R級片風格
12 Apr 2024