{ SKIP }
文:MenClub 魏文青  
POSTED ON 07 Mar 2023

由俄羅斯公司Mundfish開發嘅遊戲《Atomic Heart (原子之心)》早前推出後,憑住出色未來世界觀、遊戲性而獲得大量好評,但同時亦有玩家對於遊戲團隊嘅俄羅斯背景,以及遊戲中美化共產主義嘅描述提出反對。而近日就連烏克蘭政府都向Sony、Microsoft以及Valve提出投訴,指《Atomic Heart》賺到嘅錢,極有可能用於俄羅斯入侵烏克蘭戰爭,要求將遊戲下架。

烏克蘭副總理兼電子轉型部 (Ministry of Digital Transformation) 部長 Mykhailo Fedorov早前於Twitter公開四封分別寄予索尼互動娛樂CEO Jim Ryan、索尼集團主席兼CEO吉田憲一郎,微軟總裁Brad Smith以及Valve CEO Cabe Newell嘅信件。四封信內容大同小異,都係指出Mundfish於俄羅斯仍有辦公室及管理團隊,「所以透過遊戲賺到嘅錢、有可能轉移到俄羅斯政府手中,並用於侵略烏克蘭戰爭之上」;亦提醒與俄羅斯公司合作,「並不符合一眾自由民主國家對於俄羅斯的制裁」。另外信中亦指遊戲有宣傳共產政權以及蘇聯標誌之嫌,「我知道你們不會希望成為一個支持共產主義的平台,哪怕是一個虛構的未來版本」,所以要求下架《Atomic Heart》。

信末,烏克蘭方面強調遊戲開發團體從來都冇公開說明佢哋與普京政權嘅關係,亦冇就「俄羅斯對烏克蘭發起的血腥侵略」發表任何意見。並提醒三大公司應該團結起來反對俄羅斯入侵,以及停止為戰爭提供資金。

單從Valve經營嘅Steam平台上,可以見到自2月21日《Atomic Heart》發售以來,已獲得超過1.2萬篇、86%正面嘅「極度好評」評價。

如果大家有印象,Switch 2剛開賣嗰陣,我哋曾經報導過美國一間GameStop分店喺交付預購主機時,因為將收據直接釘喺包裝盒正面,結果粒釘穿咗紙盒,導致螢幕受損出現兩個小洞,引起機迷熱烈討論。最近,GameStop就嘗試 ...
hobby
【出色公關?】GameStop拍賣「破洞Switch 2」及涉事釘書機 所得收益將捐贈慈善機構
11 Jul 2025
想當年大家睇住橋本環奈憑著「奇蹟的一杖」成為「千年一遇美少女」而爆紅,估唔到話咁快佢就已經長大到要談婚論嫁嘅年紀。據日本雜誌報導,環奈BB已經接受拍拖三年嘅男友中川大志求婚,二人不但連家長都見埋而且已經 ...
hobby
【悲報】前排分手實為煙幕? 傳環奈BB將嫁中川大志
10 Jul 2025