眾所周知日本為天災多發地，地震海潚颱風火山爆發通通有齊，所以於家中常備防災物，乃係日本人嘅日常之一。日常到佢哋連防災物品都動漫聯乘版本。好似Lapita Joy Eight，近日就推出以《進擊的巨人》為主題嘅防災套裝。

卻說《進擊的巨人》動畫，《The Final Season 完結篇》嘅前半部，已經於3月開始播放，而為咗宣傳，官方就同Lapita Joy Eight合作，推出以動畫內「調查兵團」為主題嘅防災套裝。套裝包括一個用上防水物料製作、印有「自由之翼」標誌嘅背包；印有艾倫、兵長等人個樣、可以保存三年嘅救急麵包一套六罐 (每罐兩個包)、以及飲用水、簡易廁所、雨褸、保暖氈以及有夜光嘅哨子等等。而以上所有物品都可以放哂入個背包到，換言之有咩事發生你拎起個背包就可以開始走難。

整個套裝售價為22,880Yen (約HK$1,360)。對身處香港嘅大家黎講，雖然就未必有走難嘅需要，但當買個背囊、再加幾罐去露營時可以食嘅包，或者都算值得？

資料來源：Lapita Joy Eight