喺呢個人人手持一部智能電話嘅年代，對於唔少新生代嚟講Cassette帶簡直係歷史文物，但相信經歷過朋友都一定記得當年買帶聽歌同交功課嘅日子。最近日本廠商TOYS SPIRITS 就計劃推出迷你卡式帶播放器扭蛋重現經典，而且真係可以錄音同播放。

呢款名為「本当に録音再生!レトロminiポータブルプレイヤーマスコット」嘅扭蛋外型致敬Sony於1979年所推出嘅世上首部Walkman，尺寸約5cm左右，除咗外型似到十足，機身仲可以打開放入卡式帶錄製及播放20秒音訊，共有5種款式，每抽為500日元（港幣＄30），預計今年6月正式上架，有興趣嘅朋友請密切留意。

Sony Walkman TPS-L2