{ SKIP }
文:MenClub 魏文青  
POSTED ON 02 Jun 2023

自從上個月《薩爾達傳說 王國之淚》出咗後,網絡上就有非常多相關內容,不過當中絕大部份都係玩家利用「究極手」砌飛機、砌高達,基本上冇人真係去救返阿薩爾達公主。近來仲有位外國玩家將隻Game當係《Sims》咁玩,竟然砌咗間大宅出黎!

呢間由「Dasc」砌出黎嘅大宅樓高兩層加天台,外表採用非常簡潔現代嘅設計風格,地下一層為超大客廳,外面就有馬廄及玄關;二樓則係睡房,仲有個連泳池 (按摩浴池?) 嘅陽台;三樓就係廣闊嘅天台,仲有位種下盤栽植物,直頭係唔少人夢寐以求嘅Dream House。

雖然Dasc個YouTube頻道只有76個訂閱,但佢呢條泳池大宅嘅影片自上月21日上傳後,至今已獲得超過10萬次觀看。唔少人都希望佢發佈埋教學影片,等大家可以跟住砌。不過Dasc就表示因為自己已經爆咗機,短時間之內都唔會再玩住,所以教學影片就未必會拍,但就提供咗所需嘅材料清單,大家有需要可以參考。

值得一提嘅係,唔少留言都針對《王國之淚》中嘅砌嘢系統提出建議,有人希望任天堂增加材料上限,等佢哋可以建造更複雜、更大型嘅物件,亦有人希望隻Game嘅DLC會有更多材料,例如室內裝飾、花園物品、不同款式嘅樓梯等等。淨係睇啲留言真係會以為《王國之淚》係隻生活模擬遊戲黎呀!

隨住Elon Mus最新同名傳記出版,令大家進一步了解呢位富豪嘅各種笑料。
hobby
【趣聞】Elon Musk曾「持槍」闖進《Cyberpunk 2077》錄音室要求客串一角
21 Sep 2023
桐生一馬即使功夫再好,都敵不過癌魔。
hobby
【電玩】《人中之龍8》確定明年1月推出!桐生一馬患上癌症
21 Sep 2023