作為動漫大國，喺日本幾乎所有嘢都可以用動漫風格黎做宣傳，甚至理應嚴肅而奄悶嘅政治選舉，早前漫畫家《純情房東俏房客》、《魔法老師》作者赤松健參選時亦曾經推出一眾女角嘅宣傳海報。不過利用動漫做選舉宣傳就並唔係日本嘅專利，卻說泰國早前舉行眾議院選舉，其中前進黨就推出一系列《JoJo》風格嘅宣傳圖，為每個參選者創作「替身」——不過正正係呢張圖，令前進黨被泰國選舉委員會調查。

卻說前進黨於早前嘅眾議院選舉取得超過1400萬票，成為選舉大贏家兼當地最大黨。但前進黨上週於社交媒體透露，佢哋收到泰國選舉委員會來信，質疑佢哋嘅動漫風宣傳圖出現共產黨標誌「交叉鎚仔及鐮刀」，違反當地「君主立憲」憲法，換言之選舉委員會係質疑緊前進黨選舉宣傳嘅合法性。對此前進黨就表示，佢哋其中一位成員係由勞動階層出身，宣傳圖上出現代表勞工嘅鎚仔鐮刀係一件好合理嘅事。

แต่เราจะไม่เสียสมาธิในการทำงานเด็ดขาด! ดังนั้น ก็ใช้โอกาสนี้ นำเสนอ ส.ส.ปาร์ตี้ลิสต์จากเครือข่ายแรงงานอีกครั้งไปเลยสิคะ ???????????? >>> https://t.co/BUaeUd3ghR pic.twitter.com/z7B5BRDfeo

— พรรคก้าวไกล - Move Forward Party (@MFPThailand) June 6, 2023

事件近日被泰國當地英文傳媒報導後，輾轉就傳到返去日本。日本網民最初就以為前進黨嘅宣傳圖係因為抄襲《JoJo》而被查詢，但後來先發現係因為「鎚仔鐮刀」。