繼日清後，日本食品製造商明治都開始「不務正業」，推出一系列搞笑產品，趣怪造型引起網民熱烈討論。

最近明治推出特別企劃「架空のおもしろ雑貨（虛構的有趣雜貨）」，搵嚟創意設計師ミチル（Twitter@mitiruxxx）以旗下經典零食為藍本，設計出趣味十足嘅搞笑產品，包括「蘑菇山朱古力餅」真無線耳機、「明治牛奶」塗改液以及「明治牛奶朱古力」郵票。其中又以真無線耳機最受網民歡迎，無論耳機本體定充電盒都忠實還原朱古力餅造型，驟眼睇就好似一盒超迷你「蘑菇山朱古力餅」，隨即引起網民熱烈討論。與此同時，亦有唔少「竹筍派」網民希望明治能夠推出埋「竹筍村朱古力」造型耳機。

????明治Twitter企画????

今回は、プロダクトクリエイターの #ミチル （@mitiruxxx）さん監修。
ありそうでなかった「架空のおもしろ雑貨」を、
このあと7月10日(月)17:00〜13日(木)まで全4作品お届けします✨
お楽しみに！#明治のありそうでなかった雑貨 pic.twitter.com/2g1gGvtBb9

— 株式会社 明治 / meiji (@MeijiCoLtd) July 10, 2023

據官方所講，今次企劃總共有4款產品，剩低嘅一款將於今日5點發布，大家又估唔估到係咩呢？