「人類補完計劃」係《新世紀福音戰士 (EVA) 》中嘅重要情節，而「朗努基斯之槍」又係「人類補完計劃」嘅重要道具。而日本宇部市近日就宣佈即將完成「朗基努斯之槍」嘅製作，莫非佢哋真係準備展開「人類補完計劃」？

世界中探してもこんな一面になるところ宇部市だけだと思う pic.twitter.com/6GswKliNEu

— Berg(ベルク) (@Berg_42) September 12, 2023

其實位於日本山口縣嘅宇部市，乃係《EVA》創作人庵野秀明嘅家鄉，而為咗紀念呢位於日本電影、動畫界舉足輕重嘅大物，同時亦為咗吸引遊客，宇部市早前就提出「EVA町」嘅概念，亦即舉行多個與《EVA》相關嘅大型活動。而由於當地為嘅冶鋼業頗為有名，所以8月時佢哋就公佈活動第三彈，就係整一把1:1、全高7米、重達一噸嘅全鋼鐵「朗基努斯之槍」，完成後「插」喺當地常盤公園之內，並會於10月6日起舉行大型活動慶祝。

雖然宇部市早於8月就話會整「朗基努斯之槍」，但當時並無於日本引起討論，直到近日宇部市當地媒體報導「朗基努斯之槍」進入最後階段先真正引起網民注意，唔少網民都對於宇部市真係將計劃實行而感到驚訝，仲有人話「你搵哂全世界都只有宇部市會做呢啲嘢」。睇黎呢個「EVA町」嘅概念的確有助宇部市嘅宣傳。

資料來源：ubenippo.co.jp