{ SKIP }
文:MenClub 艾力克  
POSTED ON 14 Dec 2023

以下含大結局劇透

.

.

.

.

.

改編自Netflix人氣韓劇《魷魚遊戲》嘅真人Show比賽節目《魷魚遊戲:真人挑戰賽》(Squid Game: The Challenge)上月播出後大受歡迎,並於上周(6日)正式大結局,最終由287號嘅55歲越南參賽者Mai Whelan勝出,獨攬456萬美元(約3,500萬港元)巨額獎金。然而,佢日前接受《The Times》訪問時就表示拍攝結束近10個月,至今仍未收到任何一分錢,並引用《Jerry Maguire(甜心先生)》Tom Cruise嘅對白「Show me the money!」,隔空催促Netflix速速磅水。

Mai Whelan表示為咗出席《魷魚遊戲:真人挑戰賽》晚會,即使獎金未到手,佢都先洗未來錢買咗件名牌連身裙及鞋,並笑言雖然買完後感到有點後悔,但都覺得值得。又向記者表示已經計劃好退休生活嘅理想地點,同時會捐出部分獎金幫助老幼、野生動物及氣候變化等各個領域。

由於節目接連爆出醜聞,被指劇組妄顧參賽者安全導致多人送院,其後又爆出「造馬」疑雲,所以Mai Whelan呢篇報導曝光後,唔少網民都懷疑Netflix係咪想走數。不過有知情人士解釋,Netflix一早已告知參賽者,獎金會喺節目播放完畢後先派放,如無意外,目前Mai Whelan已經收到獎金。

資料來源:vanityfair
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025