Sony漫威宇宙第四部作品、由Dakota Johnson主演嘅《蜘蛛夫人》（Madame Web）於昨日上映，而媒體影評亦相繼出爐，千言萬語總結一句就係：「好難睇」，如果咁都唔夠阻止你入場，仲有另一句：「比《魔比煞》（Morbius）更難睇！」夠啦掛？

morbius was better

— Matt Ramos (@therealsupes) February 13, 2024

#MadameWeb is an embarrassing mess. Talented stars wasted on probably the worst comic book movie I have ever seen. Filled with atrocious dialogue, awkward editing, & all around laughable structure. I sat there baffled scene by scene someone approved this. The memes will redeem it pic.twitter.com/wwxBZmzf1f

— Cris Parker (@3CFilmss) February 13, 2024

雖然Sony漫威宇宙拍極都有，而且後面仲有《Venom 3》及由Aaron Johnson主演嘅《Kraven the Hunter》等緊上演，但自第一集《Venom》之後，系列嘅每部電影口碑都每況愈下，例如2022年嘅《Morbius》嘅爛蕃茄專業評分就僅得15%。目前《Madame Web》嘅評分都仲有17%，僅僅高過《Morbius》少少，但唔少外國影評人睇完之後毫不留情地批評電影。

例如於X上有多達30萬追蹤嘅Matt Ramos，於2月13日睇完《Madame Web》後，先係於X留下「…」，接下來再補充「《Morbius》都仲好啲」，短短幾隻字就表達咗對電影有幾失望。而身為爛蕃茄專業影評人之一嘅Cris Parker給出更詳盡嘅評語，指電影「係一個尷尬嘅爛攤子，有才能嘅明星被浪費於我睇過最差嘅漫畫改篇電影之上。糟糕嘅對白、笨拙嘅剪接、以及全方位地可笑嘅架構，我一路睇一路諗邊個批准呢部嘢？」

#MadameWeb is an embarrassing mess. Talented stars wasted on probably the worst comic book movie I have ever seen. Filled with atrocious dialogue, awkward editing, & all around laughable structure. I sat there baffled scene by scene someone approved this. The memes will redeem it pic.twitter.com/wwxBZmzf1f

— Cris Parker (@3CFilmss) February 13, 2024

而其他影評人對電影嘅評價都大同小異，有人形容為一場「連環車禍」，有人話佢「差到超出期望」，最正面嗰個，都只係講得出「唔係災難，叫做係套戲囉」。另外唔少影評人都指出Dakota Johnson嘅演出其實相當唔錯，其他演員亦有人讚，所以問題似乎就唔喺演員身上啦。

《Madame Web》嘅導演係曾執導《Marvel's Jessica Jones》等電視劇嘅S.J. Clarkson，而編劇就由佢加上《Morbius》嘅兩位編劇 — Matt Sazama及Burk Sharpless撰寫——或者大家需要忍住呢幾個名？