爆笑搞鬼電影系列《搞乜鬼奪命雜作》即將回歸，近年多咗唔少新恐怖片，唔知今次會調侃邊部賣座作品呢？

派拉蒙影業日前於CinemaCon上宣布，將聯同《Fast & Furious（狂野時速）》系列監製Neal H. Moritz推出《Scary Movie（搞乜鬼奪命雜作）》重啟版電影，預計今年秋季開拍，明年正式上映，不過就未有透露導演、編劇，以及演員陣容。

2000年電影《搞乜鬼奪命雜作》憑惡搞《The Shining（閃靈）》、《Scream（驚聲尖叫）》、《I Know What You Did Last Summer（舊年暑假搞乜鬼）》等經典恐怖片，並加入大量流行文化元素獲得大批觀眾支持，成功以1,900萬美元成本斬獲2.7億美元票房，其後更分別推出過4部續集，差唔多集集都能夠突破1億美元票房，惟獨2013年嘅第5集因為換左班底而慘遭滑鐵盧。